ADNSU-nun nəzdində Sənaye və Texnologiya Kollecinin Gənclərin İnkişafı Klubunun kuratoru İlahə Nuriyeva klubun üzvləri ilə birlikdə Xurşidbanu Natəvanın həyatına həsr olunmuş filmin premyerasında iştirak edib.

Tanınmış modelyer və sənət xadimi Fəxriyyə Xələfovanın da iştirak etdiyi təqdimat gənclər üçün maraqlı və yaddaqalan olub. Ekran əsəri vasitəsilə gənclər Qarabağın zəngin tarixi-mədəni irsi, Xurşidbanu Natəvanın həyat yolu və Azərbaycan mədəniyyətindəki əvəzsiz mövqeyi ilə bir daha yaxından tanış olublar.