25.10.2026-cı il tarixində “SDG Youth Community” təşəbbüs qrupunun təşkilatçılığı ilə “İqlim müzakirələri”nin növbəti sessiyası baş tutub.

Sessiyada kollecin ECO START-UP klubunun koordinatoru və üzvləri uğurla iştirak ediblər. Xüsusilə D205 qrup tələbəsi Mətanət Kərimova fəallığı ilə seçilərək müzakirələrdə aktiv iştirak edib.

İqlim və kommunikasiya üzrə ekspert Günel Əhmədovanın moderatorluğu ilə keçirilən görüşdə iqlim kommunikasiyası, bu sahədə medianın rolu, iqlim dəyişmələrinin tarixi və müasir dövrə təsiri, eləcə də iqlimlə bağlı məlumatlılığın artırılması məsələləri müzakirə olunub.