Sənaye və Texnologiya Kollecinin kitabxanasında 23 Aprel - Ümumdünya Kitab və Müəlliflik Hüququ Gününə həsr olunmuş “Hər kitab bir xəzinə” adlı tədbir keçirildi. İlk öncə Ulu öndər Heydər Əliyevin və şəhidlərimizin əziz xatirəsi bir dəqiqəlik sükutla yad edildi. Sonra kollecin kitabxana müdiri Sevil Umudova tədbir haqqında məlumat verdi və kitabın, mütaliə etməyin faydaları haqqında ətraflı danışdı. Tədbirdə iştirak edən kollecin tədris işləri üzrə direktor müavini Könül Abdurrəhimova, tərbiyə işləri üzrə direktor müavini Asəf Məmmədov, metodist Aygün Rüstəmova, Azərbaycan dili və ədəbiyyat müəllimlərindən Zəminə Həmzəyeva, Gülnar Rzayeva, filologiya üzrə fəsəfə doktoru, Azərbaycan Respublikasının “Qabaqcıl təhsil işçisi” Şakir Cəfərov və tələbələr tədbirlə bağlı öz ürək sözlərini bildirdi və son vaxtlarda oxuduqları kitablardan söz açdılar. Sonda iştirakçılar tədbirlə bağlı xatirə şəkli çəkdirməyi də unutmadılar.
