11.04.2026-cı il tarixində “Təhsildə rəqəmsal transformasiyalar” mövzusuna həsr olunmuş bu nüfuzlu tədbir müasir təhsil sistemində baş verən yeniliklərin müzakirəsi baxımından mühüm platforma olmuşdur. Zirvə çərçivəsində iştirakçılar rəqəmsal texnologiyaların tədris prosesinə inteqrasiyası, innovativ pedaqoji yanaşmaların tətbiqi, eləcə də gələcəyin təhsil modelləri ilə bağlı geniş və əhatəli məlumat əldə etmişlər. Tədbir zamanı təşkil olunan panel müzakirələri, ekspert çıxışları və mini təhsil sərgisi müəllimlərin peşəkar inkişafına töhfə vermiş, onların yeni bilik və bacarıqlar qazanmasına şərait yaratmışdır. Eyni zamanda, müxtəlif təhsil müəssisələrini təmsil edən mütəxəssislərlə qurulan qarşılıqlı əlaqələr təcrübə mübadiləsi baxımından xüsusi əhəmiyyət kəsb etmişdir. Zirvənin yekununda iştirakçılara rəsmi sertifikatların təqdim olunması tədbirin yüksək səviyyədə təşkil edildiyini bir daha təsdiqləmişdir.
