23.02.2026-cı il tarixində Sənaye və Texnologiya Kollecində direktoryanı müşavirə keçirildi. İclasda tədris işləri üzrə direktor müavini, tədris hissə müdiri, qeydiyyat, qiymətləndirmə və monitorinq  bölməsinin rəhbəri, fənn birləşmə komissiyasının sədrləri və digər  şəxslər iştirak  etdilər. Kollecin direktoru, professor Nasim Abışov çıxış edərək  qarşıdan gələn yaz imtahanları  və  bütün işçilərə (fəhlələr istisna olmaqla) kompüter biliklərinin verilməsi üçün təlimlərin təşkili, sonda  biliyin qiymətləndirilməsi  ilə əlaqədar əsas vəzifə və tapşırıqları iştirakçıların diqqətinə çatdırdı. İclas zamanı fənn birləşmə komissiyası sədrlərinin təklifləri dinlənildi, mövcud problemlər müzakirə olundu və onların həlli istiqamətində konkret  fikirlər qəbul edildi. Sonda direktor qarşıya qoyulan vəzifələrin vaxtında və məsuliyyətlə yerinə yetirilməsinin  vacibliyini  bir daha qeyd etdi.