20.02.2026-cı  il  tarixində Sənaye   və Texnologiya Kollecində kollecin   direktoru, professor Nasim Abışovun təşəbbüsü ilə 21 Fevral - Beynəlxalq Ana Dili Günü münasibətilə tədbir keçirildi. Tədbir Azərbaycanın dövlət rəmzlərinə hörmət çərçivəsində baş tutdu. Sonra  Dövlət Himni səsləndirildi. Ulu  Öndər Heydər Əliyevin və şəhidlərimizin  ruhu bir dəqiqə sükutla yad edildi. Tədbirdə kollecin direktor müavini Asəf Məmmədov, tanınmış  şairlərdən Güllü Eldar Tomarlı, Nəcibə İlkin və müəllimlər  İştirak etdilər. İlk öncə dəvət olunmuş qonaqlar tələbələrlə görüşərək Ana dilimiz, ədəbi biliklər və mədəni irsimiz barədə geniş fikir mübadiləsi apardılar.  Müəllimlərdən Ramilə Haqqı və Gülnar Rzayeva  21 Fevral - Beynəlxalq  Ana Dili Günü ilə əlaqədar çıxış etdilər. Sonda iştirakçılar tədbirin təşkilatçısı İlahə Nuriyevaya  və  dəvət  olunmuş qonaqlara  təşəkkür etdilər.  Görüş tələbələr üçün həm öyrədici, həm də ilhamverici oldu.