Sənaye və Texnologiya Kollecində kollecin direktoru, professor Nasim Abışovun müvafiq əmrinə əsasən rəhbər heyətin kompüter biliklərini artırmaq məqsədilə təlimlər təşkil olunub.
Hazırda “Kompüter texnologiyaları” fənn birləşmə komissiyasının sədri Səadət Şahbazova və müəllim Elnarə Əliyeva tərəfindən təlimlərdə iştirak edən iştirakçılara ofis proqramları, o cümlədən Word və Excel üzrə praktiki biliklər verilir, sənədlərlə işləmə və məlumatların emalı bacarıqları inkişaf etdirilir. Eyni zamanda Windows əməliyyat sisteminin yenilənməsi, təhlükəsiz və səmərəli istifadəsi ilə bağlı məlumatlar təqdim olunur. Həm də PowerPoint proqramı vasitəsilə təqdimatların hazırlanması və dərs prosesində effektiv tətbiqi də öyrədilir. Bu fəaliyyətlər rəhbər heyətin gündəlik iş fəaliyyətində informasiya texnologiyalarından daha səmərəli istifadə etməsinə xidmət edir.
