2025/2026-cı tədris ilinin payız imtahan sessiyasında əyani şöbədə oxuyan tələbələrin ümimi imtahanlarının sayı 588 təşkil edir. Kollecin direktoru, professor Nasim Abışov bildirdi ki, onlardan 2-ci kurslarda açıq suallardan ibarət, hər qrupda 1 fənn olmaqla, 40 imtahanın elektron formatda keçirilməsi qərara alınmşdır. Bu məqsədlə tələbələrin həmin imtahanlarda daha yaxşı nəticələr əldə etməsi üçün kollecin mühəndis-proqramlaşdırıcısı Oktay İmanzadə tərəfindən sınaq imtahanı portalı yaradılmışdır. Kollecdə “Elektron imtahan” üçün link də hazırdır. Tələbələr aşagıdakı linkə daxil olaraq, imtahanda iştirak edə bilərlər (https://imtahan.stk.edu.az). Bu işdə bir məsələni yadda saxlamalıyıq. Fənn birləşmə komissiyasının sədrləri elektron formatda keçiriləcək imtahanda tələbələrin linkə daxil olaraq, sınaq imtahanında iştirak etməsinə şərait yaratmalıdırlar.
