08 dekabr 2025-ci il tarixində Sənaye və Texnologiya Kollecində tələbələrin inkişafına və sosial fəallığının artırılmasına yönəlmiş “Erkən nikahın fəsadları, onun psixoloji, sosial və hüquqi nəticələri” adlı tədbir keçirilib. Rəhbərliyin dəvəti ilə görüşdə qonaq qismində psixoloq İlhamə Mustafayeva, hüquqşünas Natiq Əliyev və Tarix üzrə fəlsəfə doktoru İradə Əlili, kollecin tərbiyə işləri üzrə direktor müavini Asəf Məmmədov, müəllimlərdən İlahə Nuriyeva, Nazirə Bagırova İştirak ediblər.
Məqsəd gənclərə “Erkən nikahın fəsadları, onun psixoloji, sosial və hüquqi nəticələri” barədə ətraflı məlumat vermək olub. Qonaqlar öz təcrübələrindən çıxış edərək real nümunələr üzərində izahlar təqdim edib və tələbələri düşündürən sualları cavablandırıblar.
Görüş zamanı ailədaxili münasibətlər, gənclərin öz inkişafını planlaşdırması, sağlam düşüncənin formalaşdırılması kimi mövzulara da toxunulub. Müzakirədə tələbələr fəal iştirak ediblər. Sonda tədbir iştirakçıları belə maarifləndirici görüşlərin gənclərin dünyagörüşünün formalaşmasında mühüm rol oynadığını da
vurğulayıblar.
