08.12.2025-ci il tarixində 2025 -2026-cı tədris ili üzrə Sənaye və Texnologiya Kollecində ümumi iclas keçirildi. İclasda kollecin rəhbərliyi, şöbə müdirləri, metodkabinə müdiri, fənn birləşmə komissiyasının sədrləri və müəllimlər iştirak etdilər. Kollecin direktoru, professor Nasim Abışov pedaqoji heyəti salamlayıb, gündəlikdə duran məsələ haqqında müəllimlərə məlunat verdi. Sonra payız imtahan sessiyasında imtahanların aparılması ilə əlaqədar “Elektron imtahan sistemi” haqqında ətraflı danışdı. Mühəndis-proqramlaşdırıcı Oktay İmanzadə isə “Elektron imtahan sistemi” haqqında təqdimatla müəllimlərin qarşısında çıxış etdi. Təqdimatda imtahanların gedişi, imtahanlara ayrılan vaxt, tələbələrin biliyinin qiymətləndirilməsi, bunun üçün sinaq imtahanlarının təşkili və digər vacib məsələlər qeyd olundu. Sonda fənn müəllimlərinin sualları da N.Abışov tərəfindən cavablandırıldı.
