3.12.2025-ci il tarixində ADNSU - nun nəzdində Sənaye və Texnologiya Kollecində kimya müəllimi Könül Məmmədovanın təşkilatçılığı ilə “Zərərli vərdişlərə yox deyək” adlı tədbir keçirildi.Tədbirdə kollecin direktoru, professor Nasim Abışov, tədris işləri üzrə müavin Könül Abdürrəhimova,metodkabinə müdiri Xəlil Bağırov , şöbə müdirləri və başqa müəllimlər iştirak etdilər.Tədbir ümummilli lider və şəhidlərimizin ruhu bir dəqiqəlik sükutla yad olması ilə başladı. Dövlət Himni səsləndi.Tədbirdə siqaretin , spirtli içkilərin, narkotik vasitələrin zərəri barədə tələbələrin təqdimatları dinlənildi . “Sağlam bədəndə sağlam ruh olar” - deyərək kollecin tələbəsi, qaydasız döyüş üzrə ölkə birincisi Rəvanın çıxışı eşidildi. Sonra dünyanın 3 dilində -rus, alman və ingilis dillərində tələbələrin çıxışları da oldu. Sonda kollecin direktoru N. Abışov tələbələrə öz tövsiyyələrini verdi.
