03.12.2025-ci il tarixində ADNSU-nun nəzdində Sənaye və Texnologiya Kollecində Pedaqoji Şura iclası keçirildi. İclasda kollecin rəhbərliyi və şöbə müdirləri, fənn birləşmə komissiyasının sədrləri və tyutorlar iştirak etdilər. İclası giriş sözü ilə açan kollecin direktoru, professor Nasim Abışov pedaqoji heyəti salamlayaraq, gündəlikdə duran məsələlərlə onları tanış etdi. İlkin məlumatdan sonra kollecdə şöbə müdirləri, tədris hiisə müdiri, inzibati təsərrüfat işləri üzrə direktor müavini, komendant və monitorinq, qiymətləndirmə və qeydiyyat bölməsi vəzifələrinə yeni təyinatlar oldu. Bununla bərabər, N.Abışov kollecdə idarəetmənin təkmilləşdirilməsi, tədris prosesinin keyfiyyətinin artırılması, hesabatlılığın gücləndirilməsi və nizam-intizam qaydalarına ciddi əməl olunması ilə əlaqədar məsələlərdən ətraflı danışdı. Sonda eşidilən məsələlərlə əlaqədar digər çıxışlar da eşidildi.
