14 noyabr 2025-ci il tarixində ADNSU-nun nəzdində Sənaye və Texnologiya Kollecində Z103 qrupunun tələbələri müəllimləri Nərmin Kərimova ilə birlikdə Azərbaycanın Milli Xalça Muzeyində ekskursiyada olublar. Məqsəd tələbələrə Azərbaycanın zəngin xalçaçılıq ənənələri, dekorativ-tətbiqi sənət nümunələri və milli irsin qorunması istiqamətində görülən işlər haqqında əyani məlumat vermək idi.
Muzeydə tələbələr müxtəlif bölgələrə məxsus qədim toxuculuq nümunələri, eləcə də müasir xalça sənətinin inkişafını əks etdirən eksponasiyalarla yaxından tanış olublar. Bələdçinin təqdimatı zamanı xalçaların hazırlanma texnikası, istifadə olunan naxış və rənglərin mənası, həmçinin Azərbaycan xalçaçılığının UNESCO tərəfindən bəşəri irs kimi tanınması barədə maraqlı məlumatlar verilib.
