8 may 2025-ci il tarixində ADNSU-nun nəzdində Sənaye və Texnologiya Kollecində Ümummilli Lider Heydər Əliyevin anadan olmasının 102-ci il dönümünə həsr olunmuş tədbir keçirildi.
Tədbir Azərbaycan Dövlət Himninin səsləndirilməsi ilə başladı. Daha sonra Ümummilli Lider Heydər Əliyevin və Vətən uğrunda canından keçən Şəhidlərimizin əziz xatirəsi bir dəqiqəlik sükutla yad edildi.
Tədbirin giriş sözü ilə açan ADNSU-nun nəzdində Sənaye və Texnologiya Kollecinin tərbiyə işləri üzrə direktor müavini Firuzə Fərmanlı müstəqil Azərbaycan dövlətinin memarı və qurucusu Ulu Öndər Heydər Əliyevin dövlətçilik təcrübəsindən bəhs edərək, onun hələ sağlığında tarixin yaddaşında əbədiləşdiyini, bu gün Prezident İlham Əliyevin Ulu Öndər Heydər Əliyevin siyasi kursunun layiqincə davam etdirilməsini diqqətə çatdırdı. Tədbirdə Ulu Öndər Heydər Əliyevin həyat və fəaliyyətini əks etdirən videoçarx nümayiş edildi. Tədbirin rəsmi hissəsindən sonra bədii hissəsində tələbələrin ifasında müasir Azərbaycan memarı Heydər Əliyevə və həsr olunmuş əbədii musiqili kompozisiya təqdim edildi.
