Azərbaycan Respublikasının Dövlət Himni səsləndirildikdən və torpaqlarımızın bütövlüyü uğrunda canından keçən şəhidlərin əziz xatirəsi yad edildikdən sonra Kollecin direktoru, ərazi Partiya təşkilatının sədri Faiq Şahbazlı qeyd edib ki, dövlətimizin müstəqillik tarixinin ən yüksək inkişaf dövrünü yaşadığını, xalqımızın milli maraqlarını rəhbər tutaraq, yeni reallıqlar şəraitində müstəqil siyasətini prinsipiallıqla davam etdirdiyini, Konstitusiyanın tələblərinə əsaslanaraq, qarşıda duran strateji hədəflərə doğru inamla irəlilədiyini qeyd etdi.
YAP Nərimanov rayon təşkilatının sədri Elçin Quliyev çıxış edərək Ulu Öndər Heydər Əliyevin bilavasitə rəhbərliyi ilə hazırlanmış və 1995-ci il noyabrın 12-də qəbul olunmuş Azərbaycan Respublikası Konstitusiyasının dövlətimizin müstəqilliyinin, suverenliyinin və ərazi bütövlüyünün qorunması, dünya ölkələri ilə dostluq və əmin-amanlıq şəraitində əməkdaşlığın təmin edilməsi kimi ali niyyətlərin həyata keçirilməsi üçün mühüm qanunvericilik bazası rolu oynadığını vurğuladı. Təşkilat sədri 2025-ci ilin “ Konstitusiya və Suverenlik ili” elan edilməsinin müstəqil Azərbaycanın gücünü və inkişafını bir daha nümayiş etdirməklə yanaşı xalqımızın birliyinin, həmrəyliyinin ifadəsi olduğunu bildirdi.
Sonda partiya sıralarına yeni qoşulanlara üzvlük vəsiqələri təqdim edildi.
