10 may 2024-cü il tarixində ADNSU-nun nəzdində Sənaye və Texnologiya Kollecində Ümummilli lider Heydər Əliyevin anadan olmasının 101-ci ildönümünə həsr olunmuş tədbir keçirilib.
Tədbir Azərbaycan Dövlət himninin səsləndirilməsi ilə başlayıb.Daha sonra Ümummilli lider Heydər Əliyevin və Vətən uğrunda canından keçən şəhidlərimizin əziz xatirəsi bir dəqiqəlik sükutla yad edilib.
Tədbiri giriş sözü ilə açan ADNSU-nun nəzdində Sənaye və Texnologiya Kollecinin direktoru, filologiya üzrə fəlsəfə doktoru Faiq Şahbazlı müstəqil Azərbaycan dövlətinin memarı və qurucusu, ulu öndər Heydər Əliyevin dövlətçili təcrübəsindən bəhs edərək, onun hələ sağlığında tarixin yaddaşında əbədiləşdiyini, bu gün Prezident İlham Əliyevin ulu öndər Heydər Əliyevin siyasi kursunu layiqincə davam etdirməsini diqqətə çatdırıb.Tədbirdə ulu öndər Heydər Əliyevin həyat və fəaliyyətini əks etdirən video çarx nümayiş edilib.Tədbirin bədii hissəsində tələbələrin ifasında müasir Azərbaycanın memarı Heydər Əliyevə həsr olunmuş ədəbi-musiqili kompozisiya təqdim edilib.
